Um Ölmu Rut

Alma Rut hefur sungið með mörgum af þekktustu tónlistarmönnum landsins síðan árið 2004.

Alma hefur sungið inn á fjölmargar plötur, á ótalmörgum tónleikum, dansleikjum, brúðkaupum, jólahlaðborðum, árshátíðum, sjónvarpsþáttum, sungið og leikið í teiknimyndum og söngleikjum og komið fram við hin ýmsu tilefni.

Alma Rut lærði söng í Tónlistarskóla FÍH, píanó og söng í Tónlistarskóla Akureyrar og hefur farið á námskeið í Complete Vocal Tecnique söngtækni.

Alma hefur komið fram á óteljandi mörgum stórum viðburðum, bæði í röddum og sem einsöngvari.

Hástig

Alma Rut er útskrifaður stjórnendamarkþjálfi (Executive Coach) frá Háskólanum í Reykjavík (Coach-U). Hún nýtir víðtæka þekkingu og reynslu til að hjálpa þér að ná meiri árangri og betri frammistöðu í lífi og starfi.

Alma er vottaður High Performance Coach (CHPC) og býður upp á hefðbundna markþjálfun og einnig hástigs frammistöðu þjálfun (High Performance Coaching) þar sem takmarkið er að ná árangri fram yfir meðallag, viðvarandi á löngu tímabili, á meðan haldið er í vellíðan og jákvæð sambönd. Í þjálfuninni er stefnt að því að öðlast meiri hamingju, árangur, fullnægju og bæta frammistöðu á öllum sviðum lífsins!

Hún er með ACC vottun (Associate Certified Coach) frá Alþjóðasamtökum markþjálfa (ICF International Coaching Federation) og er meðlimur í ICF og ICF Ísland.

Alma stofnaði fyrirtækið Hástig sem heldur utan um allt sem við kemur markþjálfuninni.

Hún er líka nemi á síðasta ári í BS í sálfræði í Háskólanum á Akureyri þannig að hún býr yfir víðtækri þekkingu á þessu sviði.

Alma Rut hefur unnið sem atvinnusöngkona síðan 2004, hefur verið í fyrirtækjarekstri og verkefnastjórnun til fjölda ára, er móðir tveggja ungmenna og mikið skipulagsnörd.

Meira um Hástig

Nokkur dæmi um tónlistarverkefni sem Alma hefur unnið við en fleiri dæmi eru að finna á Facebook síðu Ölmu

Tónlistarverkefni

Todmobile

Alma byrjaði að syngja með stórhljómsveitinni TODMOBILE árið 2009 og hefur tekið þátt í óteljandi mörgum tónleikum með þeim, m.a. ásmt Jon Anderson (Yes), Midge Ure (ultravox), Steve Hackett (Genesis), Nik Kershaw og stórsöngvaranum Tony Hadley (Spandau Ballet).

Neonbandið

Alma Rut, Kristján Gísla og Rakel Páls syngja saman í Neonbandinu og koma fram á stórum hátíðum og minni viðburðum. Þau hafa víðtæka reynslu af dansleikjum, tónleikum og fjölbreyttum viðburðum um allt land. Fjör, gleði, nostalía og lög sem allir þekkja! Fullkomið fyrir öll tilefni. Nánar á Neonbandid.is

Vestanáttin

Popp-rokk-kántrýhljómsveitin VESTANÁTTIN gaf út plötu árið 2015. Alma Rut var þar aðalsöngkona ásamt Gumma Jóns (í Sálinni).

Skítamórall

Eurovision og Söngvakeppni Sjónvarpsins

Alma hefur sungið raddir í yfir 20 lögum í Söngvakeppni Sjónvarpsins og hefur tvisvar sinnum farið út í Eurovision og staðið á sviðinu fyrir Íslands hönd, árið 2012 í Azerbeijan (Never Forget) og 2015 í Austurríki (Unbroken).

Stjórnin

Alma hefur sungið með stórhljómsveitinni STJÓRNINNI í Háskólabíói, Hofi á Akureyri, Bæjarbíói Hafnarfirði o.fl.

Pink Floyd heiðurstónleikar Classic Rock og Dúndurfrétta

Alma hefur sungið reglulega á PINK FLOYD heiðurstónleikunum síðan árið 2013. Næstu tónleikar verða á dagskrá í mars 2026.

Sýningar á Hótel Grímsborgum

Í 6 ár kom hún fram í sýningum Gunnars Þórðarsonar á Hótel Grímsborgum, m.a. afmælissýningu Gunnars, Abba, BeeGees, Olivia Newton John, Vestmannaeyjaperlur og DISCO afmælissýningu skemmtistaðarins Hollywood.